Türkiýe Respublikasynyň “Türkhowaýollary” awiakompaniýasy Stambul-Aşgabat-Stambul ugry boýunça ýörite uçar gatnawlarynyň 3-sini amala aşyrar.
Türkiýe Respublikasynyň “Türkhowaýollary” awiakompaniýasynyň Aşgabatdaky şahamçasynyň “Atavatan Türkmenistan” halkara žurnalynyň www.atavatan-turkmenistan.com saýtyna beren maglumatyna görä, 2022-nji ýylyň 27-nji, 30-njy iýunda we 3-nji iýulda Stambul — Aşgabat — Stambul ugry boýunça ýörite uçar gatnawlaryny amala aşyrmak göz öňünde tutulýar.
Ozal hem habar berşimiz ýaly, soňky döwürde bu awiakompaniýa 24-nji iýunda Stambul-Türkmenbaşy-Stambul ugry boýunça ýörite halkara uçar gatnawyny meýilleşdirýär.
Ozal, “Türkhowaýollary” awiakompaniýasy 15 günde bir sany ýörite uçar gatnawy amala aşyrýan bolsa, indi bolsa, ýörite uçar gatnawlarynyň sanyny ýygjamlaşdyrdy.
Mälim bolşy ýaly, bu kompaniýanyň uçar gatnawlary amala aşyrýan döwründe Türkiýe Respublikasynyň Prezidenti Fuat Oktaýyň hem Türkmenistana resmi sapar amala aşyrmagy göz öňünde tutýandygyny bellemek gerek.
Şu gün habar berşimiz ýaly, “Türkmenistan” awiakompaniýasy Türkmenabat-Minsk-Türkmenabat ugry boýunça ýörite uçar gatnawyny ýerine ýetirýär.