SPORT

“PSŽ” Fransiýada çempion yglan edildi

Fransiýanyň Professional futbol ligasy (LFP) resmi taýdan “PSŽ” toparyny 2019/2020-nji möwsümiň çempiony diýip, yglan etdi. Şeýlelikde “PSŽ” topary 9-njy çempionlygyny gazandy.

Mälim bolşy ýaly, Fransiýanyň futbol boýunça milli çempionaty koronawirus sebäpli wagtyndan öň ýatyrylypdy. Arakesme yglan edilýänçä, çempionatyň 28 tapgyrynyň duşuşyklary geçirildi. şonuň netijesinde, kerweniň başny çekip gelýän Neýmarly, Mbappeli “PSŽ” topary çempion boldy. 2-nji orny “Marsel” we üçünji orny “Renn” topary eýeledi. 3 topar indiki ýyl Çempionlar ligasynda Fransiýa wekilçilik ederler. “Renn” topary ilkinji gezek Ýewropanyň abraýly ýaryşyna gatnaşmak hukugyna eýe bolýar.

Çempionatdan 19-njy orundaky “Amen” we 20-nji orundaky “Tuluza” toparlary 2-nji liga düşürilýär.

“Liga 2” çempionatynda bolsa çempion diýlip, “Lorýan” topary yglan edildi. “Lorýan” bilen ikinji orny eýelän “Lans” topary indiki ýyl “Liga 1”-de çykyş eder.

Ýene-de okaň

Holand 5 gol bilen 54 ýyllyk rekordy täzeledi

BAE-de geçirilen Ýaşlar ligasynyň ýaryşynda türkmen karateçileri iki bürünç medal gazandylar

Ata Watan Eserleri

Messi “Instagramda” 500 million yzarlaýja ýetdi

Meşhur tälimçi Arsen Wengere türkmen halysyny sowgat berildi

Arsen Wenger: Türkmenistana futbolda uly üstünlikler arzuw etdi

“Arkadag” topary Gyrgyzystanyň “Abdyş-Ata” toparyny ýeňdi