Halkara futbol taryhy we statistika federasiýasy (IFFHS) dünýäniň iň gowy toparlarynyň sanawyny täzeledi. Sanaw 2023-nji ýylyň 1-nji maýyndan 2024-nji ýylyň 30-njy apreline çenli bolan senelere esaslanýar. Sanawa görä, dünýäniň iň gowy toparlarynyň öňdebaryjysy Angliýanyň “Mançester Siti” topary boldy.
Bir döwürler Lionel Messi oýnan döwründe öňdäki orunlary eýeleýän Ispaniýanyň “Barselona” topary 10-njy orny eýeläp, Italiýanyň “Atalanta”, “Roma”, Germaniýanyň “Baýer” toparlaryndan yzda galdy.
Germaniýanyň “Baýer” topary sanawda 3-nji orny aldy. Bu üstünlik toparyň 50 duşuşykdan bäri ýeňilmän gelýän şowlulygy bilen berk baglanyşyklydyr.
Şeýle hem sanawdaky ilkinji onlukda “Palmeras” toparynyň hem bardygy üns çekýär. Sebäbi ilkinji onlukdaky “Palmerasdan” başga ähli toparlar Ýewropa yklymynyň ýurtlarynyň toparlarydyr.
Sanawda ilkinji onluga giren toparlar şeýle:
- “Mançester Siti” (Angliýa)
- “Real Madrid” (Ispaniýa)
- “Baýer” (Germaniýa)
- “Inter” (Italiýa)
- “Bawariýa” (Germaniýa)
- “Roma” (Italiýa)
- “Palmeras” (Braziliýa)
- “Atletiko Madrid” (Ispaniýa)
- “Atalanta” (Italiýa)
- “Barselona” (Ispaniýa)