Ýeňil agramda «UFC-niň» çempiony Islam Mahaçewiň nobatdaky garşydaşy amerikaly Dastin Porýe boldy.
2-nji iýuna geçilen gije, ýagny ABŞ-nyň Nýuark şäherinde «UFC 302» ýaryşlarynyň çäginde tutluşyklar geçirildi. Bu ýaryşyň esasy tutluşygy ýeňil agramda 70 kilograma çenli rus Islam Mahaçew bilen amerikaly Dastin Porýeniň arasyndaky duşuşyk boldy.
Tutluşyk 5 döwden ybarat bolup, 5-nji döwde Mahaçewiň Habib Magomedowyň tilsimi bolan bogmak usuly bilen garşydaşyndan üstün geldi. Şeýlelikde, Islam Mahaçew 3-nji gezek ýeňil agramda çempionlyk kemerini goramagy başardy.
Islam Mahaçew soňky tutluşygyny geçen ýylyň oktýabrynda BAE-niň Abu-Dabi şäherinde «UFC 294» ýaryşlarynyň çäginde awstraliýaly Aleks Wolkanski bilen geçirip, ony hem birinji döwde ýeňmegi başarypdy.