“SpaceX” kosmos kompaniýasynyň we “Tesla” elektrik awtoulag öndüriji kompaniýasynyň esaslandyryjy Ilon Mask, kompaniýalaryň paýnamalarynyň köpelmegi sebäpli baýlygyny artdyrmagy dowam etdirýär.
Esasanam koronawirus döwründe gymmaty ýokarlanmagyny dowam etdirýän “Tesla” kompaniýasynyň kömegi bilen çynlakaý girdeji gazanýan Mask häzirki wagtda 257 milliard dollar baýlygy bilen dünýäniň iň baý adamydyr.
Täze gözlegiň netijesine görä, Ilon Mask baýlygyny 2017-nji ýyldan bäri her ýylda ortaça 129 göterim ýokarlandyrýar.
Bu statistika dowam eden halatynda, 2024-nji ýyla gelenimizde, Ilon Mask 1,38 trillion dollar baýlygy bilen dünýäde ilkinji trillioner hökmünde taryha girer.
Ilon Maskyň iň ýakyn bäsdeşi “Amazon” kompaniýasynyň esaslandyryjysy Jeff Bezosyň 2030-njy ýylda 1 trillion dollar baýlyk gazanmagyna garaşylýar.