Ysraýylyň hökümeti 1-nji martdan başlap, sanjym bolmadyk syýahatçylara hem gapylaryny açjakdygyny mälim etdi.
Mundan ozal, Ysraýylyň hökümeti koronawirus ýokanjy bilen baglanaşykly wakalaryň köpelmeginiň öňüni almak üçin öňüni alyş çärelerini we çäklendirmeleri artdyrypdy. Häzir bolsa, ýurduň hökümetiniň koronawirus keseliniň azalmagyndan soň serhetleriň waksina edilmedik syýahatçylara açyljakdygy habar berildi.
Ysraýylyň Premýer-ministri Naftali Bennet sanjym edilmedik syýahatçylaryň ýurda mart aýyndan kabul edilip başlanjakdygyny belläp, “Koronawirus wakalarynyň azalandygyny gördük, indi açylmaly wagt geldi” diýdi.
Ýurduň çägine girilende PSR lukmançylyk barlagynyň hökmanydygyny mälim eden Bennet, ysraýyllylaryň ýurda gaýdyp gelmegi baradaky çäklendirmeleriň hem gowşadyljakdygyny we ýolagçylaryň uçuşdan öň lukmançylyk barlagyndan geçmeginiň zerur däldigini aýtdy. Ysraýyl, koronawirus ýokanjy sebäpli daşary ýurtly myhmanlaryň ýurda 2 ýyllap girmegini gadagan edipdi.