Ýaponiýanyň hökümeti Afrikanyň 5 ýurduna koronawirus ýokanjyna garşy 2.2 million doza möçberinde sanjym ibermegi göz öňünde tutýar. Ýapon hökümeti “AstraZeneca” britan-şwed kompaniýasynyň sanjymyny Afrika ýurtlaryna muzdsuz berer.
Ýaponiýanyň daşary işler ministri Ýosimasa Haýasi bu barada metbugat ýygnagynda habar berdi.
– Biz “AstraZeneca” kompaniýasynyň öndürýän sanjymynyň 2,2 million dozasyny Gana, Keniýa, Malawi, Nigeriýa we Kamerun ýaly ýurtlara bereris. Bu ugurda degişli goruň üpjün edilmegi bilen sanjymlaryň üpjünçiligi amala aşyrylar – diýip, ministr belledi.
Ýurduň daşary syýasat edarasynyň ýolbaşçysynyň berýan maglumatyna görä, Ýaponiýanyň sanjym mätäçligi çekýän ýurtlara iberen sanjym dozasynyň möçberi 42 million doza ýeter.
Geçen ýylyň 15-nji dekabrynda Ýaponiýanyň hökümeti koronawirus pandemiýasyna garşy göreşde pes girdejili ýurtlara goldaw bermek babatda Bütindünýä bankynyň düzümine girýän Halkara Ösüş assosiasiýasynyň hasabyna 376.7 milliard ýen (3.4 milliard dollar) möçberinde maliýe serişdelerini bermegi öz üstüne alypdy.
Täjigistan Türkmenistan bilen gol çekilen ylalaşygy tassyklady