SPORT

“US Open”: 18 ýaşly türgen çempion boldy

Tennis sportunyň iň abraýly hem-de möwsümiň iň soňky uly ýaryşy hasaplanýan “US Open” (Amerika Açyk) ýaryşynda 18 ýaşy britaniýaly Emma Radukanu zenanlaryň arasynda çempion boldy.

Dünýäniň tennisçileriniň hatarynda 150-nji orunda durýan Emma Radukanu “Uly tuwulga” ýaryşlarynda rus türgen Mariýa Şarapowadan soňra çempion bolan iň ýaş türgen boldy. Mariýa Şarapowa 17 ýaşynda şeýle uly ýaryşda ýeňiji bolupdy.

Emma Radukanu final duşuşygynda 73-nji orunda durýan Leýla Fernandesi ýeňdi. Radukanu 1977-nji ýyldan soňra “Uly tuwulga” ýaryşynda çempion bolan ilkinji iňlis zenan türgen boldy.

Şeýle hem Emma Radukanu saýlama tapgyryndan gelip, “Uly tuwulga” ýaryşynda ýeňiji bolan ilkinji tennis türgeni boldy.

Entek uly tennis ýaryşlarynda onçakly köp tejribesi bolmadyk Radukanu WTA ýaryşlarynda 2021-nji ýylyň iýunynda çykyş edip başlady we 3 aýdan soňra “Uly” tuwulga ýaryşynda ýeňij boldy.

Kakasy rumyn, ejesi hytaýly bolan Emma Radukanu sport bilermenleri tarapyndan täze tennis ýyldyzy hasaplanýar. Ony bu gazanan uly ýeňşi bilen şa zenany Ýelizaweta II hem gutlady.

Emma Radukanu WTA sanawynda 150-nji orundan bu gazanan ýeňşi bilen 23-nji basgançaga çykdy.

12-nji sentýabr ýyldyzlar näme diýýär? Gündelik Täleýnama

 

Ýene-de okaň

58 ýaşyndaky türgen Olimpiýa oýunlarynda çykyş eder

Sport baýramçylygy – Olimpiýa oýunlaryna sanlyja gün galdy

“Real Madrid” – dünýäniň iň gymmat topary

Ýamalyň goly Ýewropa çempionatynyň iň owadan goly boldy

Ata Watan Eserleri

Türkmenistanyň futbol çempionatynyň üçünji aýlawy 16-njy awgustda başlanar

Mbappe: men bagtly oglan, “Realda” oýnamak arzuwym hasyl boldy

Ata Watan Eserleri