Hazaryň kenarynda milli Liderimiziň gatnaşmagynda Keselleriň ýaýramagyna garşy göreşýän adatdan daşary toparyň mejlisi geçirildi. Bu barada “Watan” habarlar gepleşiginde bellenilip geçildi.
Bu toparyň mejlisiniň barşynda ýurdumyzda koronawirus ýokanjyna garşy göreşmek babatda alnyp barylýan işler barada habar berildi.
- Şu ýyl öňüni alyş çäreleriniň üpjün edilmeginiň çäklerinde waksinalary satyn almak hem-de tapgyrlaýyn getirmek işleri guraldy.
- Şonuň netijesinde Russiýa Federasiýasynyň Gamaleý adyndaky ylmy-barlag merkezinde taýýarlanan Gam-KOWID-Wak ýa-da “Sputnik V”, “Wektor” wirusologiýa we biotehnologiýa döwlet ylmy merkezi tarapyndan tarapyndan taýýarlanylan EpiWakKorona waksinalar, Beýik Britaniýanyň we Demirgazyk Irlandiýanyň Birleşen Patyşalygynyň adybir kompaniýasynyň “AstraZeneca” waksinasy, şeýle hem Hytaý Halk Respublikasynyň “Sinowak” kompaniýasynyň “Koronawak” waksinasy ýurdumyzda bellige alyndy we olary getirmek ýola goýuldy.