TÜRKMENISTAN WE DÜNÝÄ HABARLARY
SPORT

Tokio Olimpiýa oýunlarynyň ilkinji ýaryşlary başlady

23-nji iýulda resmi açylyş dabarasy geçiriljek XXXII tomusky Olimpiýa oýunlarynyň ilkinji ýaryşlaryna badalga berildi. Ýaponiýanyň softbol sporty boýunça milli ýygyndysy Fukusima stadionynda Awstraliýanyň ýygyndysyny 8:1 hasabynda utdy.

Däp bolşy ýaly, Olimpiýa oýunlarynyň käbir ýaryşlary resmi açylyş dabarasyndan öň başlanýar. 1996-njy ýyldan bäri ilkinji gezek Olimpiýa oýunlarynyň ýaryşlary sportuň futbol görnüşi bilen däl-de softbol görnüşi bilen başlandy.

Softbol 1996-2008-nji ýyllarda Olimpiýa oýunlarynyň sport maksatnamasyna goşulypdy. Bu sport görnüşinde 3 gezek ABŞ-nyň milli ýygyndysy, bir gezek hem Ýaponiýanyň milli ýygyndysy ýeňiş gazanypdy. Sportuň bu görnüşi 2024-nji ýylda Parižde geçiriljek Olimpiýa oýunlarynyň sport maksatnamasyna goşulmaýar.

Ýaponiýadaky ýaryşa 6 topar – Awstraliýa, Kanada, Italiýa, Meksika, ABŞ hem-de Ýaponiýa gatnaşýar.

Softbol – besýbol oýnuna meňzeş oýundyr. Sportuň bu görnüşinde has ýumşak top ulanylýar we meýdança hem kiçidir.

 

50 ýyldan soňra çempion boldy

Ýene-de okaň

Katar-2022: nobat 1/8 finalda

Katar-2022: Günorta Koreýa Portugaliýany ýeňip, 1/8 finalda

Dünýä çempionatynda ilkinji gezek zenan emin eminlik etdi

Teswirle