Ýurdumyzyň Garaşsyzlygynyň 29 ýyllygyna bagyşlanan sergi geçiriler we Aşgabat şäherinde dokma dükanlary açylar, bu barada sanly wideoaragatnaşyk arkaly Ministrler Kabinetiniň nobatdaky mejlisinde hasabat berildi.
Serginiň çäklerinde ýurdumyzyň ähli pudaklarynyň, hususan-da hususy pudagyň gazanýan üstünlikleri, milli ykdysadyýetimiziň köp ugurly kuwwatlylygyny we pudaklaryň sazlaşykly ösüşini beýan edýän diwarlyklaryň 70-dan gowragy gurnalar.
Şeýle hem “Sanly ykdysadyýet we ykdysady ösüşiň möhüm ugurlary” atly ylmy-amaly maslahaty geçirmek meýilleşdirilýär.
Mundan başga-da, Aşgabatda Türkmenistanyň Dokma senagaty ministrliginiň ýöriteleşdirilen dükanlary açylar. Olarda Türkmenistanda öndürilýän we uly islegden peýdalanýan, ekologiýa taýdan arassa hem-de ýokary hilli dokma önümleriniň söwdasy guralar.
Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy
