Russiýanyň alymlarynyň koronawirus ýokanjyna garşy işläp düzen “Sputnik V” sanjymyny bellige alan 70-nji ýurt Indoneziýa boldy. Bu barada Russiýanyň göni maýa goýum gaznasy habar berdi.
– Russiýanyň göni maýa goýum gaznasy Indoneziýa Respublikasynda “Sputnik V” koronawirusyna garşy sanjymyň hasaba alnandygyny habar berýär. Indoneziýa “Sputnik V” sanjymynyň ulanylmagyny tassyklaýan 70-nji döwlet boldy. Bellige alyş adatdan daşary ýagdaý ygtyýarnamasynyň (EUA) çäginde geçirildi – diýlip, Russiýanyň göni maýa goýum gaznasynyň metbugat beýanatynda bellenilip geçilýär.
Şeýlelikde, “Sputnik V” sanjymyny bellige alan ýurtlaryň umumy ilaty 4 milliard adama deň boldy.
“Sputnik V” sanjymyny bellige alan ýurtlaryň hatarynda Türkmenistan, Argentina, San-Marino, Serbiýa, Bahreýn, Meksika, BAE we beýleki ýurtlar bar.
“Sputnik V” iň ygtybarly we täsirli koronawirus sanjymlaryndan biridir. “Sputnik V” döwletler tarapyndan bellige alnan sanjymlaryň hatarynda dünýäde ikinji ýerde durýar.