Aşgabatda geçirilýän Hazarýaka döwletleriniň Baştutanlarynyň VI sammitinde çykyş eden Türkmenistanyň Prezidenti Hazar sebitinde dürli ugurlarda hyzmatdaşlyk etmegiň ugurlaryny kesgitledi.
Hazar sebitinde söwda-ykdysady, ulag-aragatnaşyk we medeni-ynsanperwer ugurlarynda hyzmatdaşlygyň ösdürilmeginiň ähmiýetini belläp, hususan-da ykdysady ugra has uly ähmiýet berilmelidigini belledi.
Türkmenistanyň Prezidenti söwda-ykdysady gatnaşyklaryň ösdürilmegi üçin döredilen Hazar Ykdysady forumynyň ähmiýetini belläp, şeýle forumyň ilkinjisiniň Türkmenistanda geçirilendigini belledi.
Türkmen Lideri, Hazarýaka ýurtlaryň hususy pudagynyň wekilleriniň arasynda gatnaşyklary ösdürmegiň wajyp bolup durýandygyny belläp, bu babatda Hazarýaka döwletleriniň işewürler geňeşini döretmegi teklip etdi.
Mundan başga-da, Türkmen Lideri ynsanperwer ugurly gatnaşyklara ähmiýet bermegiň zerurdygyny belläp, Hazarýaka ýurtlarynyň arasynda medeniýet ulgamynda hyzmatdaşlyk etmegiň resminamasynyň taýýarlanmagynyň maksadalaýyk boljakdygyny belledi.
Şeýle hem Türkmenistanyň Prezidenti syýahatçylyk we Hazarda gämili syýahatçylyk ugurlarynyň ösdürilmeginiň ähmiýetli boljakdygyny belledi.
Wladimir Putin: Hazar sammiti ähli gatnaşyjy ýurtlaryň bähbidine