ABŞ-nyň Milli basketbol assosiasiýasynyň (NBA) çempiony belli boldy. Pleý-off tapgyrynda “Golden Steýt Uorriorz” topary bilen “Boston” topary duşuşdy.
Bu duşuşyklaryň 6-njysynyň netijeleri boýunça “Boston” toparyndan üstün çykan “Golden Steýt Uorriorz” topary çempion bolmagy başardy. Soňky duşuşykda 103:90 hasabynda ýeňiş gazanan “Golden Steýt Uorriorz” topary 7-nji gezek çempion bolmagy başardy.
Bu topar soňky 8 möwsümde 4-nji gezek çempion bolup, taryhy rekordy gazandy.
Mundan ozal, 1947-nji, 1956-njy, 1975-nji, 2015-nji, 2017-nji we 2018-nji ýyllarda NBA-da çempion bolmagy başaran “Golden Steýt Uorriorz” topary 17 gezek çempion bolan “Boston Celtics” we “Los Anjeles Leýkers” toparlaryndan soňra iň köp çempion bolan 3-nji topar boldy.
“Golden Steýt Uorriorz” toparynyň oýunjysy Stefen Karri iň gowy oýunjy hökmünde saýlandy.