Birnäçe gezek dünýäniň iň asuda döwletleriniň sanawynyň çür başynda görkezilen Islandiýa bir şert bilen syýahatçylar üçin derwezelerini açdy. Ol şert syýahatçylaryň koronowirusa garşy sanjym alan bolmagydyr. Bu barada ýurduň Saglygy goraýyş ministrliginden habar berildi.
Mundan beýläk Ýewropanyň derman serişdeleri agentligi tarapyndan ykrar edilen waksinalary alan daşary ýurtly syýahatçylar Islandiýada karantin gözegçiligine alynmaz. Şeýle hem olardan koronowirus barlagy talap edilmez.
Islandiýanyň Hökümeti şu talaplara laýyk gelýän daşary ýurtly syýahatçylaryň ählisiniň ýurda gelip biljekdigini habar berdi. Şeýlelikde, Islandiýa Ýewropada serhetlerini doly açan ilkinji döwletleriň biri boldy.