Dünýäniň iň baý işewüri hasaplanýan Jeff Bezosyň “Amazon” onlaýn söwda kompaniýasy Golliwudyň dünýä belli “Metro-Goldwyn-Maýer” kinokompaniýasyny satyn aldy. Geleşigiň bahasy takmynan 8,5 milliard dollara deň bolar.
Bu geleşik “Amazon” kompaniýasynyň taryhynda iň uly güýmenje pudagynda satyn alan kompaniýays bolar. Meşhur Golliwud studiýasynyň satyn alynmagy bilen “Amazon” 20-nji asyryň ähli Jeýms Bond filmleri we beýleki filmler ýygyndysyna eýeçilik eder.
Dünýäniň iň gadymy kino studiýalarynyň biri bolan “Metro-Goldwyn-Maýer” 1924-nji ýylda esaslandyryldy.
“Metro Goldwyn Maýer” studiýasynyň häzirki wagtda 4000 töweregi filmi we 17000 sagatlyk telegepleşikleri özünde jemleýän ägirt uly kitaphanasy bar.