Düýeler üçin dünýäde ilkinji 5 ýyldyzly myhmanhananyň Saud Arabystanynda açylandygy mälim edildi.
Düýelere 5 ýyldyzly hyzmat berjek myhmanhananyň mahabat wideoýazgysy Saud Arabystanynyň düýe klubunyň jemgyýetçilik torunda çap edildi. Wideoýazgyda dünýäde ilkinji bolup durýan myhmanhananyň 120 otagynyň bardygyny we düýelere 50 işgäri bilen gorag, ideg we hyzmat edilýändigi aýdylýar.
Ýazga alnan wideoda düýeler üçin gyzgyn süýt we ýörite naharlar berilýär, şeýle hem olaryň daşky görnüşini owadanlamak ýaly ýörite hyzmatlar hem berilýär.
Şeýle hem wideoda myhmanhanada bir gije galmagyň bahasynyň 400 riala (takmynan 107 dollar) bolandygy aýdylýar.
2017-nji ýylda Patyşa karary bilen döredilen Saud Arabystanynyň düýe kluby, mirasdüşer şazada Muhammet bin Salmanyň howandarlygynda işleýär.
Saud Arabystanynda her ýyl geçirilýän baýrakly düýe çapyşyklary dünýäniň dürli künjeklerinden düýe ýaryş höwesjeňleri tarapyndan gyzyklanýar.