UEFA-nyň iň naýbaşy kuboklarynyň biri bolan Çempionlar ligasynda ýarym finala galan ilkinji toparlar belli boldy. Olar Fransiýanyň “PSŽ” hem-de Angliýanyň “Çelsi” toparlarydyr.
GEÇEN ÝYLYŇ ÇEMPIONY UTULDY
Geçen möwsümde UEFA Çempionlar ligasy bilen bir hatarda 6 kubogy gazanan Germaniýanyň “Bawariýa” toparyna bu gezek “PSŽ” toparyny ýeňmek başartmady. Fransuz topary ilkinji duşuşykda “Bawariýanyň” meýdançasynda gazanan 3:2 hasabynda ýeňşi bilen ýarym finala galmagy başardy.
Fransiýada oýnalan oýunda “Bawariýa” topary 1:0 hasabynda üstün çykan hem bolsa, oňa 2 duşuşygyň jemi boýunça ýayrm finala çykmak başartmady.
Çempionlar ligasynyň ýene-de bir ýarym finalçysy ol hem Tomas Tuheliň tälim berýän “Çelsi” topary boldy. “Çelsi” topary hem Portugaliýanyň “Porto” toparyna garşy ilkinji duşuşykda gazanan 2:0 hasaply utuşy bilen ýarym finala çykdy. “Porto” topary hem myhmançylykda “Çelsi” toparyny 1:0 hasabynda utandygyna garamazdan, ýaryl finala çykmak olara başartmady.
“Çelsi” topary 2014-nji ýyldan soňra ilkinji gezek bu kubogy gazanmak ugrundaky ýaryşda ýayrm finala çykdy.
ÝARYM FINAL DUŞUŞYKLARY
“PSŽ” – “Mançester Siti/Borussia Dortmund”
“Çelsi” – “Real Madrid / Liverpool”