UEFA Çempionlar ligasynyň 1/8 finalynda Ispaniýanyň “Real Madrid” topary öz meýdançasynda Messili, Mbappeli we Neýmarly Fransiýanyň “PSŽ” toparyny kabul etdi.
“Real Madrid” topary 106 sekuntyň dowamynda “PSŽ” toparyny ýeňmegi başardy. “PSŽ” topary 39-njy minutda Mbappe bilen öňe geçdi. Ýöne Karim Benzemanyň geçiren 3 goly, “Real Madrid” toparyna 1/4 finala çykmaga mümkinçilik berdi.
Kairm Benzema 61-nji minutda hasaby açdy, 76-njy we 78-nji minutlarda bolsa geçiren 2 goly bilen Messini, Neýmary we Mbappeni Çempionlar ligasynyň kubogyndan daşlaşdyrdy.
Mälim bolşy ýaly, bu duşuşygyň birinji oýnunda Fransiýada “PSŽ” topary 1:0 hasabynda ýeňipdi.
Şeýlelikde, dünýäniň iň gowy futbolçylarynyň biri bolan Lionel Messi 7 ýyldan bary yzly-yzyna Çempionlar ligasynyň finalyna çykyp bilmän gelýär.
Çempionlar ligasynyň beýleki duşuşygynda Angliýanyň “Mançester Siti” topary bilen Portugaliýanyň “Sporting” topary 0:0 hasabynda deňme-deň oýnady. Duşuşygyň birinji oýnunda “Mançestes Siti” myhmançylykda 5:0 hasabynda ýeňendigi üçin 1/4 finala çykmak mümkinçiligine eýe bolan topar boldy.
Şeýlelikde, häzirki wagtda “Liwerpul”, “Bawariýa”, “Real Madrid” we “Mançester Siti” toparlary 1/4 finala çykdy.