Dünýäniň iň meşhur dabaralarynyň biri bolan «Brit baýraklary» bu ýyl tomaşaçylar bilen bilelikde geçiriler. Dabara 11-nji maýda London şäherindäki «O2 Arenada» geçiriler.
Aslynda, bu dabaralar meýdanyna 20 müň tomaşaçy sygýar. Ýöne pandemiýa sebäpli 4000 tomaşaça girmäge rugsat berler.
Komediýanyň dünýä meşhur ýyldyyz Jek Waýtholuň alyp barjak dabarasyna gatnaşyjylardan örtük dakynmak we bellenen aralygy saklamak talap edilmez. Ýöne hemmeler koronowirus barlagyndan geçmeli bolar. Dabarada Arlo Parks, Griff, Dua Lipa ýaly dünýä meşhur ýyldyzlaryň hem çykyş etmegine garaşylýar.
Dabarany tomaşaçylar bilen bilelikde geçirmek Londonyň ýolbaşçylarynyň taslamasynyň çäginde alnyp barylýar. Olar şeýle taslamalar bilen pandemiýadan soňra assa-ýuwaşdan iri çärelere girişmegi maksat edinýärler. Şeýle hem taslama urlan waksinalaryň ýapyk ýerdäki dabaralarda niçik güýje eýe bolup bilýändigini görkezer.