Angliýanyň “Premýer liga” futbol çempionatynyň wekillerinden “Aston Willa” topary ilkibaşda “Barselona” toparyndan kärendesine alan Filippe Koutinýony 20 million ýewro dolulygyna satyn aldy.

Iňlis toparynyň habar bermegine görä, brazil futbolçysy gyşky transfer döwründe iňlis toparyna geçipdi. Koutinýo bilen 2026-njy ýyla çenli şertnama baglanyşyldy. Onuň üçin “Barselona” toparyna 20 million ýewro töleg edildi.

Şeýle hem, Filippe Koutinýonyň mundan soňra başga topara satylan halatynda “Barselona” toparyna 50 göterim paý berler.

Mundan ozal, Angliýanyň “Premýer liga” futbol çempionatynda “Liwerpul” toparynda oýnan Koutinýo 2018-nji ýylda 135 million ýewro “Barselona” toparyna geçipdi. Ol soňra 2019-njy ýylda Germaniýanyň “Bawariýa” toparyna kärendesine berlipdi.

Stewen Jerrardyň “Aston Willa” toparyna tälimçi bellenmegi bilen Koutinýo bu topara geçdi.

 

 

GDA-nyň daşary işler ministrleriniň mejlisi