Şu ýylyň 20-nji maýyndan başlap, Türkmenistanda awtobus gatnawlary bölekleýin açylar. Şonuň bilen baglylykda, Aşgabat — Türkmenbaşy we Türkmenbaşy — Aşgabat ugurlary boýunça gatnawlar dikeldilýär. “Awtomobil ulag hyzmaty” AGPJ-niň resmi saýtynda habar berilýär.
Awtobuslar sişenbe, penşenbe we şenbe günleri Aşgabatdan Türkmenbaşy şäherine, duşenbe, çarşenbe we anna günleri bolsa yzyna — Aşgabat şäherine gatnawlary amala aşyrarlar.
AWTOBUS GATNAWYNDAN PEÝDALANMAK ÜÇIN ZERUR BOLAN IŞLER
Ýolagçylar bilet satyn almazdan ozal, soňky 72 sagadyň dowamynda COVID-19-a barlagdan geçip, negatiw netijäni alandygyny tassyklaýan şahadatnamany, koronawirusa garşy üç waksinany hem alandygy baradaky resminamany, şeýle-de Türkmenistanyň Döwlet migrasiýa gullugy tarapyndan syýahat üçin berlen rugsatnamany almalydyrlar.