Katarda geçiriljek dünýä çempionatynda “B” toparçasynda ABŞ, Eýran we Angliýa bilen oýnajak 4-nji topar boldy. Ol hem Uels boldy. Şeýlelikde, Uels Ýewropadan dünýä çempionatyna gatnaşmaga hukuk gazanan soňky milli ýygyndy boldy.
Uelsiň milli ýygyndysy dünýä çempionatyna gatnaşmak üçin Ukrainanyň milli ýygyndysy bilen duşuşdy. Ukrainanyň milli ýygyndysy 1:0 hasabynda ýeňen Uels dünýä çempionatyna gatnaşmaga hukuk gazandy.
Uels taryhynda 2-nji gezek dünýä çempionatynda çykyş eder. Ilkinji gezek Uels 1958-nji ýylda dünýä çenpionatyna gatnaşypdy. Şonda çärýek finala çykyp, Braziliýadan utulypdy. Braziliýanyň ýeke-täk goluny bolsa, Pele geçiripdi.
Katardaky dünýä çempionaty 2022-nji ýylyň 21-nji noýabry-18-nji dekabry aralygynda geçiriler.