SPORT

Nadal 14-nji gezek “Rolan Garros”-yň ýeňijisi boldy

Ispaniýaly tennisçi Rafael Nadal 14-nji gezek “Rolan Garros” tennis ýaryşynyň ýeňijisi boldy. Fransiýanyň Pariž şäherinde geçirilen ýaryşyň finalynda norwegiýaly Kasper Ruudy 6:3, 6:3 we 6:0 hasabynda ýeňen Nadal “Uly tuwulga” ýaryşlarynda uly ýeňişleriniň ýene-de biri gazandy.

Profesional tennisçileriň assosiasiýasynyň reýtinginde Nadal 5-nji, Ruud bolsa 8-nji orny eýeleýär.

Nadal “Rolan Garros” ýaryşlary boýunça iň köp ýeňiji bolan türgen hasaplanýar. Onuň hasabyna 14 ýeňiş bar.

Şeýle hem Nadal “Uly tuwulga” ýaryşlaryndaky 22-nji ýeňşini baýram etdi. Ol mundan başga-da, 2 gezek “Awstraliýa Açyk”, 2 gezek “Uimbldon”, 4 gezek “US Open” ýaryşlarynda ýeňiş gazandy.

“Rolan Garros-2022” ýaryşynyň umumy pul baýragy 43 million 600 müň ýewrodyr. Ýeňiji 2 million 200 müň ýewro gazanýar.

“Uly tuwulga” ýaryşlaryny tennis dünýäsiniň iň abraýly ýaryşlary hasaplanýar. Ol 4 ýaryşdan ybaratdyr: Awstraliýanyň, Fransiýanyň we ABŞ-nyň Açyk çempionatlary we Beýik Britaniýadaky “Uimbldon” ýaryşydyr.

Rafael Nadal aýagyndaky şikes zerarly uly sporty taşlamagy hem göz öňünde tutýar.

 

Türkmenistanda açyk ýerlerde örtük dakynmak düzgüni ýatyryldy

Ýene-de okaň

Ronaldo iň köp girdeji gazanýan türgen

Türkmenistanly samboçylar Belarusda 13 medal gazandylar

Ýurdumyzyň samboçylary Belarus Respublikasynyň Prezidentiniň baýragy ugrundaky ýaryşyň ilkinji gününde alty medal gazandylar

Türkmenistanyň zenanlar ýygyndysy halkara ýaryşda birinji ýeňşini gazandy

Türkmenistanly küştçi Daşkentde geçirilen halkara ýaryşda ýeňiji boldy

“Real” myhmançylykda “Mançester Sitini” ýeňdi