Italiýanyň kubogyny almak ugrundaky ýaryşyň ýarym final duşuşyklary geçirilýär. “Inter” topary öz meýdançasynda “Milan” toparyny 3:0 hasabynda utup, 2011-nji ýyldan soňra ilkinji gezek finala çykdy.
Simone Indzaginiň futbolçylary ynamly ýeňiş gazandy. Toparyň düzüminden 4-nji hem-de 40-nji minutlarda Lautaro Martines hem-de 82-nji minutda Robin Gosens tapawutlandy.
“Inter” toparynyň finaldaky garşydaşy “Ýuwentus” bilen “Fiorentina” toparlarynyň arasyndaky duşuşykdan soňra belli bolar.
2011-nji ýyldan soňra gaýtadan finala çykan “Inter” topary kubogy gazanmagy maksat edinýär. Olar 2011-nji ýylda finalda “Palermo” toparyna 3:1 hasabynda ýeňlipdi.