ABŞ-nyň hökümeti tokaýlaryň ýok edilmeginiň öňüni almak üçin öňümizdäki 10 ýylyň dowamynda 1 milliarddan gowrak düýp bag nahalyny oturmagy meýilleşdirýär. Bu barada ýurduň Oba hojalygy ministrligi habar berdi.
– ABŞ-nyň Oba hojalygy ministrligi tokaýlaryň hem-de milli seýilgäh toplumlarynyň ýok bolmak gitmek howpuna garşy göreş alyp barýar. Şonuň üçin geljek 10 ýyllykda 1 milliarddan gowrak bag nahaly oturdylar.
Soňky ýyllarda tokaýlaryň ýanmak hadysasy köpelip, tokaýlaryň tebigy şertlerde köpelmeginiň öňüni aldy. Şonuň netijesinde, 4,1 million akr (1.7 million gektar) meýdanda tokaýlaryň ýok bolup gitmek howpy bar – diýlip, ministrligiň beýanatynda bellenilip geçilýär.
ABŞ-nyň oba hojalygy ministri Tom Wilsak tokaýlaryň howanyň üýtgemegine garşy göreş alyp barmakda esasy güýç bolup durýandygyny belledi. Onuň aýtmagyna görä, köp mukdarda agaçlaryň oturdylmagy tokaý ýangynlarynyň ýetiren zyýanlarynyň öweziniň dolup boljakdygy bellenildi.