UEFA guaramasy Ýewropa futbolynda täze görnüşli koronawirus (Covid-19) epidemiýasy sebäpli ykdysady ýitginiň 9 milliard ýewro golaýlajakdygyny habar berdi.
Guramanyň internet saýtyndaky habara görä, Ýewropadaky toparlar 2019-2020-nji we 2020-2021-nji ýylyň möwsümlerinde uly maliýe ýitgilerine sezewar boldular.
“Covid-19” epidemiýasynyň çäklerinde bu iki möwsümde, toparlaryň hemaýatkärlik we ýaýlym girdejileri azaldy. Hasabata görä, epidemiýa sebäpli ýokary ligalarda 7,2 milliard ýewro, aşaky ligalarda bolsa 1,5 milliard ýewro möçberinde ýitginiň boljakdygy mälim edildi.
Şonuň netijesinde Ýewropada 2020-nji ýylyň tomus möwsümindäki transfer işleri 39 göterim, 2021-nji ýylyň gyşky transfer möwsümi bolsa 56 göterim peseldi. Umuman, toparlar täze futbolçylar satyn almaga köp möçberde pul serişdelerini gönükdirmekden gaça durdylar.
UEFA guramasynyň ýolbaşçysy Aleksandr Çeferin futbolyň häzirki döwürde uly kynçylyklary başdan geçirýändigini belledi.