Ýaponiýanyň hökümeti Taliban hereketiniň gözegçiligindäki Owganystana ynsanperwer kömegini bermegi meýilleşdirýär. Bu barada ýurduň Daşary işler ministrligi habar berdi.
Lukmançylyk, azyk, suw we arassaçylyk serişdelerinden ybarat 100 million dollarlyk ynsanperwer kömeginiň Owganystana iberiljekdigi habar berildi.
Bu ynsanperwer kömegi Birleşen Milletler Guramasy (BMG) Bütindünýä Azyk Maksatnamasy ýaly 16 dürli halkara guramanyň üsti bilen berler.
Bu Ýaponiýanyň Taliban hereketiniň gözegçiligindäki Owganystana ikinji gezek amala aşyrýan ynsanperwer kömegi bolar.
Mundan ozal, ýapon hökümeti 2021-nji ýylyň oktýabrynda Owganystana 58 million dollarlyk ynsanperwer kömegini beripdi.
Şeýle hem Ýaponiýanyň Daşary işler ministrligi Eýrana, Pakistana, Täjigistana we Özbegistana hem dürli möçberlerde ynsanperwer kömeginiň beriljekdigini mälim etdi.
“Parahatçylygyň ýaş çaparlary†akyl-paýhas bäsleşigi geçirilýär