UEFA Çempionlar ligasyndan soňra ikinji derejedäki iň uly futbol bäsleşikleriniň biri hasaplanýan UEFA-nyň Ýewropa Ligasynda 1/8 final duşuşyklarynyň jogap oýunlary geçirildi. Jogap duşuşyklarynyň garaşylmadyk netijesi Horwatiýada bolup geçdi. “Dinamo Zagreb” topary ilkinji oýunda Angliýanyň “Tottenhem” toparyndan 2:0 hasabynda utulypdy. Öz öýünde bu topary Angliýanyň güýçli toparyny 3:0 hasabynda ýeňip, 1/4 final tapgyryna galmagy başardy.
UEFA-nyň Ýewropa ligasynda çärýek final tapgyryna çykan toparlar mälim boldy. Angliýadan 2 topar, Ispaniýadan 2 topar, Niderlandlardan, Horwatiýadan, Çehiýadan we Italiýadan 1 topar indiki tapgyra çykdy.
DUŞUŞYKLARYŇ NETIJELERI
“Milan” (İtaliýa) – “Mançester Ýunaýted” (Angliýa): 0-1
“Wilýareal” (İspaniýa) – “Dinamo Kiýew” (Ukraina): 2-0
“Young Boys” (Şweýsariýa) – “Aýaks” (Niderlandlar): 0-2
“Rangers” (Şotlandiýa) – “Slawia Prag” (Çehiýa): 0-2
“Arsenal” (Angliýa) – “Olimpiakos” (Gresiýa) 0-1
“Dinamo Zagreb” (Horwatiýa) – “Tottenhem” (Angliýa) 3-0
“Molde” (Norwegiýa) – “Granada” (İspaniýa) 2-1
“Şahtýor” (Ukraina) – “Roma” (İtaliýa) 1-2
Şeýlelikde, “Mançester Ýunaýted”, “Arsenal”, “Dinamo Zagreb”, “Roma”, “Granada”, “Slawia Prag”, “Wilýareal” we “Aýaks” kubok ugrundaky ýaryşy dowam edýär.
Toparlaryň öz aralarynda kim bilen duşuşjakdygy şu gün geçiriljek bije çekilişiginde belli bolar.
UEFa Ýewropa Ligasynyň 1/4 finalynyň ilkinji oýunlary 8-nji aprelde, jogap duşuşyklaryň 15-nji aprelde geçiriler.
Çempionlar ligasynyň 1/4 finalyna galan toparlar belli boldy