Russiýanyň paýtagty Moskwa şäherinde geçirilýän Garaşsyz Döwletleriň Arkalaşygynyň daşary işler ministrleriniň Geňeşiniň nobatdaky mejlisiniň çäklerinde Türkmenistanyň we Ermenistanyň daşary işler ministleriniň duşuşygy geçirildi. Bu barada Ermenistanyň daşary syýasat edarasynyň resmi internet sahypasynda bellenilip geçilýär.
Ermenistanyň daşary işler ministri Ara Aýwazýan bilen Türkmenistanyň Ministrler Kabinetiniň Başlygynyň orunbasary, daşary işler ministri R.Meredowyň arasyndaky duşuşykda ikitaraplaýyn gün tertibindäki meseleleriň giň toplumy ara alnyp maslahatlaşyldy. Döwletara gatnaşyklarynyň has-da berkidilmeginiň ähmiýeti nygtaldy. Bu babatda iki ýurduň daşary syýasat edaralarynyň arasynda geňeşmeleriň geçirmegiň ähmiýetlidigi bellenilip geçildi.
Söwda we ykdysady, ylym we tehnika, medeni we ynsnaperwer ugurlar hyzmatdaşlygyň ileri tutulýan ugurlary hökmünde kesgitlendi. Taraplar halkara guramalaryň çäginde iki ýurduň arasyndaky özara peýdaly hyzmatdaşlyga ýokary baha berdiler. Söhbetdeşler GDA-nyň gün tertibindäki birnäçe meseleler boýunça pikir alyşdylar.
Duşuşykda halkara we sebit gün tertibindäki birnäçe möhüm meseleler ara alnyp maslahatlaşyldy.
Türkmenistanyň we Russiýa Federasiýasynyň daşary işler ministrleriniň duşuşygy