TÜRKMENISTAN WE DÜNÝÄ HABARLARY
BIZNES

Türkmenistan ilkinji gezek “akylly” telewizorlary eksport edýär

Türkmenistanda öndürilýän “4K Ultra HD” kysymly “akylly” telewizorlar ilkinji gezek daşary ýurt bazaryna eksport edildi. Bu barada Türkmenistanyň Döwlet haryt-çig mal biržasynyň söwdalarynda mälim edildi.

“orient.tm” saýtynda hem çap edilen habarda, “Aýdyň Gijeler” HJ biržanyň söwdalaryna 6 müň birlik telewizoryny çykardy. “Tolkun” atly “akylly” telewizorlar 32 dýuýmlyk ekrany bilen daşary ýurtly alyjylara birlik bahasy 142 dollardan satuwa çykaryldy. 42 dýuýmlyk şeýle telewizorlar 216 dollardan satylar. “Zemin” atly telewizorlaryň 55 dýuýmlygy 329 dollardan satuwa goýberildi.

“Aýdyň gijeler” HJ 2020-nji ylyň iýun aýynda içerki bazara öz önümlerini çykaryp başlady. Her ýyl bu ýerli kompaniýa 100 müň birligini çykarýar.

“Aýdyň Gijeler” HJ  – Türkmenistanda elektron we elektron tehnologiýasy senagatynda döredilen ilkinji kärhanalaryň biridir. 2017-nji ýylda hojalyk jemgyýeti LED çyralary öndürip başlady we soňlugy bilen kompýuterler, planşetler we netbuklar öndürip başlady.

 

Dünýäniň iň baý maşgalalarynyň sanawy belli boldy

Ýene-de okaň

Rus kompaniýalary Türkmenistanda bilelikdäki önümçilige gyzyklanma bildirýär

Ilon Mask ABŞ-nyň milliarderleriniň sanawynda birinji orunda

Ata Watan Eserleri

Türkmenistan we Sankt-Peterburg söwda öýlerini açmakçy

Teswirle