Ozal hem habar berşimiz ýaly, Türkiýe Respublikasynda güýçli ýer titreme zerarly giň möçberli weýrançylyklar emele geldi.
Ýurduň günorta-gündogaryndaky Kahramanmaraş welaýatynda bolup geçen Rihter ölçegine görä, 7,7 ululygyndaky ýer titreme ýurduň 11 welaýatynda, şeýle hem Türkiýäniň goňşy ýurtlarynda öz täsirini ýetirdi.
Bu pajygaly tebigy betbagtçylyk sebäpli Türkiýe Respublikasynda 7 günlük milli matam yglan edildi. Türkiýe Respublikasynyň Prezidenti Rejep Taýýyp Ärdogan Türkiýede bolup geçen ýer titremeler sebäpli 7 günlük milli matam yglan edilendigini mälim etdi.
Prezident Ärdogan milli ýas sebäpli 12-nji fewral ýekşenbe güni günüň batýan wagtyna çenli Türkiýede we Türkiýäniň daşary ýurtlardaky wekilhanalarynda ýurduň baýdagy aşak düşüriljekdigini mälim etdi.
Türkmenistanyň Prezidenti, Türkmenistanyň Halk Maslahatynyň Başlygy we köp sanly dünýä ýolbaşçylary Prezident Ärdogana gynanç hatyny iberdi.