Türkiýe Respublikasynda türk döwletini esaslandyran Mustafa Kemal Atatürküň aradan çykmagynyň 83 ýyllygy mynasybetli dabaralar geçirilýär. Her ýylyň 10-njy noýabrynda türk halky özüniň ilkinji Prezidenti we esaslandyryjysy Atatürküň aradan çykan gününi belläp geçýär.
Türkiýäniň wagty bilen 09:05-de ýurduň raýatlary 1 minutlyk dymyşlyk yglan edýärler. Ýurduň ähli ýerlerinde, köçelerde hereket durup, adamlar ýurduň ilkinji Prezidentini 1 minutlyk dymyşlyk bilen ýatlap geçýärler.
Ýurduň ýolbaşçy düzümi bolsa, Mustafa Kemal Atatürküň jaýlanan ýeri bolan Anytkabir ýagygärlik toplumyna gelip, gül desselerini goýdular.
Mustafa Kemal Atatürk 1881-nji ýylda dünýä indi. Doglan aýy we güni barada takyk maglumat ýok. Şeýle-de bolsa, resmi çeşmelerde Atatürkiň 19-njy maýy doglan güni hökmünde kabul edendigi aýdylýar.
1923-nji ýylyň 29-njy oktýabrynda respublikanyň yglan edilmeginden soň prezident saýlandy. 1938-nji ýylda aradan çykýança dört möhlet işledi we Türkiýäniň iň uzak wagtlap prezident wezipesinde işlän ýolbaşçysy boldy.