«Türkmendemirýollary» agentligi öz resmi saýtynda Türkmenistanyň çägindäki otly gatnawlary boýunça çäklendirmeleriň 31-nji iýula çenli uzaldylandygyny habar berdi.
Mundan ozal resmi saýtda ýurduň içindäki otly gatnawlarynyň 16 ― 23-nji iýul aralygynda çäklendirilýändigini habar berlipdi. Şeýlelikde, agentlik bu çäklendirmäni ýene-de bir hepde uzaltdy.
Ýokanç keselleriň ýaýramagynyň öňüni almak bilen bagly Türkmenistanda şu günler birnäçe çäklendirmeler girizildi. «Türkmenawtoulaglary» agentligi tarapyndan şu günler şäherara awtobus gatnawlarynyň hem ýatyrylandygyny ýatladýarys.