Türkmenistanyň baş baýramy – Garaşsyzlyk güni mynasybetli dürli dabaralar geçirildi. “Türkmenistan-Bitaraplygyň mekany” ýylynda mukaddes Garaşsyzlygymyzyň 29 ýyllygy bellenýär.
Şanly baýramçylyk mynasybetli paýtagtymyz Aşgabatda birnäçe dabaralar geçirildi. Baş baýramyň dabaralary Garaşsyzlyk binasyna gül goýmak dabarasy bilen başlandy. Soňra paýtagtymyzyň Garaşsyzlyk meýdanynda dabaraly harby ýöriş hem-de beýleki dabaralar geçirildi.
Harby ýörişden soňra ýurdumyzyň halk hojalygynyň dürli pudaklarynda gazanylan üstünlikleri görkezýän ulaglaryň geçişi boldy. Bu ulaglaryň üstünde ýurdumyzyň nebit we gaz, himiýa, dokma, ulag we aragatnaşyk, oba hojalygy we beýleki ugurlaryndaky üstünlikleri hem-de milli ykdysadyýetimiziň giň mümkinçilikleri görkezildi.
Baş baýramymyza bagyşlanan dabaranyň ahyrynda ýurdumyzyň sungat ussatlarynyň Watanymyzy wasp edip ýerine ýetiren aýdymy hem-de gadymy türkmen medeniýetiniň baş nyşanyna öwrülen küştdepdi tansy bilen jemlendi.
«Älem» medeni dynç alyş merkeziniň öňündäki meýdançada Garaşsyzlyk güni mynasybetli dabaraly konsert bolar. Onda ýurdumyzyň sungat ussatlary çykyş ederler.
Bulary hem okaň
Hormatly Prezidentimize ahalteke bedewi sowgat edildi
Garaşsyzlyk baýramy: Dabaraly harby ýöriş geçirildi
Şäherara awtobus gatnawlary haçan başlaýar?
Kanuny kim kabul edýär: Halk Maslahatymy ýa-da
