Özbegistanyň Prezidenti Şawkat Mirziýoýew Daşkent şäherinde geçirilýän ýokary derejedäki halkara maslahatada gatnaşýan Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredowy kabul etdi.
Özbegistanyň Prezidentiniň metbugat gullugynyň habar bermegine görä, iň ýokary derejedäki yzygiderli aragatnaşyklaryň hasabyna strategik häsiýete eýe bolan köptaraply türkmen-özbek gatnaşyklarynyň okgunly ösüşe eýe bolýandygy mälim edildi.
Türkmen wekiliýeti Özbegistanyň Prezidentine Türkmenistanyň Prezidentiniň gyzgyn salamyny ýetirdi. Özbegistanyň Prezidentiniň Merkezi we Günorta Aziýa sebitiniň arasynda sebit hyzmatdaşlygyny ösdürmäge gönükdirilen bu başlangyjyna ýokary baha berildi.
Duşuşygyň barşynda iki ýurduň arasyndaky däp bolan hyzmatdaşlygyň mundan beýläk-de giňeldilmegine degişli meseleler ara alnyp maslahatlaşyldy. Hökümetara toparynyň nobatdaky mejlisini geçirmegiň ähmiýeti bellenilip geçildi.
Şeýle hem taraplar şu ýylyň 6-njy awgustynda “Awaza” milli syýahatçylyk zolagynda geçiriljek Merkezi Aziýanyň döwlet Baştutanlarynyň Konsultatiw duşuşygyna görülýän taýýarlyk işlerini ara alyp maslahatlaşdylar.
Mundan başga-da, duşuşykda Owganystandaky ýagdaýlar barada hem pikir alşyldy.
Merkezi Aziýa bilen Günorta Aziýanyň hyzmatdaşlygy ösdürilýär