Germaniýanyň “Opel” awtoulag kompaniýasy täze kiçi şäher awtoulagyny tanyşdyrdy. Şäherde ulanmak üçin niýetlenen bu ulag 75 kilometre çenli menzil aşmaga ukyplydyr.
Nemes öndürijisiniň dürli reňk görnüşleri bilen satuwa çykarjak ulagynda 5,5 kWt batareýa ýerleşdirilendir.
Batareýalardan başga-da, agramy 425 kilograma deň bolan bu ulagy öýde adaty rozetka bilen 3,5 sagadyň içinde doly zarýad bermek mümkinçiligi hem bar.
8 at güýji bolan ulagyň iň ýokary tizligi 45 kilometre deňdir. Ýewropada 15 ýaşdan uly bolan islendik adamyň ulanmagyna ähli mümkinçilikler döredildi.
Bu ulag şu ýylyň ahyrynda Germaniýada, 2022-nji ýylda bolsa ähli Ýewropa ýurtlarynda satuwa çykarylar.
Ulagyň bahays barada maglumat berilmeýär, ýöne şuňa meňzeş başga kompaniýanyň ulagynyň bahasy 6 müň 900 ýewro deňdir.
Türkmen-owgan serhedinde işler bökdençsiz alnyp barylýar