TÜRKMENISTAN WE DÜNÝÄ HABARLARY
SPORT

Milliarder bolan üçünji türgen

Amerikaly golfçy Taýger Wuds milliarder bolan üçünji türgen boldy. Bu barada “Forbes” žurnaly habar berdi.
Neşiriň habar bermegine görä, “Major” ýaryşlarynyň 15 gezek çempiony bolan Wudsuň baýlygy 1 milliard dollardan geçdi. Ol bu baýlygyň 10 göterimini golf sportundan gazandy.
Ol 27 ýyllyk karýerasy döwründe 1,7 milliard dollar girdeji gazandy.
Türgeniň pul serişdeleriniň esasy bölegini “Gatorade”, “Monster Energy”, “TaylorMade”, “Rolex” we “Nike” ýaly iri kompaniýalar bilen baglaşan mahabatlardan gelen serişdeler düzýär.
Şeýle hem Wudsuň golf bilen baglanyşykly birnäçe kompaniýalary we restorany bar.
Taýger Wudsdan başga-da, Maýkl Jordan we Lebron Jeýms ýaly basketbolçylar hem 1 milliard dollardan gowrak gazandylar.
“Forbesiň” maglumatyna görä, Wuds karýerasynyň çür depesinde bolan döwründe bir ýylda baýraklar göz öňünde tutulmazdan, 100 million dollar gazanan döwri boldy. Ol 2003-2012-nji ýyllar aralygynda “Forbesiň” sanawynda iň köp gazanan türgenleriň arasynda birinji orny eýeläp geldi.
https://www.atavatan-turkmenistan.com/real-madridin-100-million-yewrolyk-transfer/

Ýene-de okaň

Türkiýede IV Bütindünýä çarwa oýunlaryna badalga berildi

Türkmen türgenleri Özbegistanda 11 medal gazandy

Mbappe – dünýäniň iň gymmat futbolçysy

Teswirle