Hytaýyň meşhur kompýuter öndüriji şereketi “Lenovo” täze “Lenovo K13 Note” atly smartfonyny satuwa çykardy. Bu smartfon 6.5″ HD+ durulykdaky IPS LCD ekrana we 60 Hz ekran täzelenme tizligine eýe.
Snapdragon 460 yonga prosessoryndan güýç alýan smartfonyň 4 GB içkj ýady we microSD arkaly 128 GB-a çenli ulaldylyp bilinýän daşky ýady bar.
Telefonyň arka tarapynda 48 megapiksellik esasy kamera, 8 megapiksellik ultra görüş, 2 megapiksellik makro hem-de 2 megapiksellik sensorly ýakynlaşdyryjy kameralar bar. Öň tarapda bolsa, 8 megapiksellik selfi kamerasy ýerleşen. Şeýle hem barmak yzyny okaýjy tehnologiýasy telefonyň arka tarapynda ýerleşen.
5000 mAh batareýa bilen üpjün edilen smartfon 10W tiz zarýady goldaýar.
Bu telefon Russiýada 230 dollardan satuwa çykdy.
Maksat TAGANOW,
Magtymguly adyndaky Türkmen döwlet uniwersitetiniň
žurnalistika hünäriniň talyby.