Ispaniýanyň Naýbaşy kubogynda “El Klasiko”

Ispaniýanyň Superkubogyny (Naýbaşy kubogy) gazanmak ugrunda mini ýaryş geçirilýär. Oňa “Barselona”, “Real Madrid”, “Atletiko Madrid” we “Atletik” toparlary gatnaşýar.

Toparlar öz aralarynda ýarym final duşuşygyny geçirer. Ýeňiji bolan toparlaryň arasynda final duşuşygy geçiriler.

Ýaryş Saud Arabystanynyň paýtagty Er-Riýad şäherinde geçiriler. Duşuşyklar Patyşa Fahd adyndaky halkara stadionda oýnalar.

ILKINJI DUŞUŞYK “EL KLASIKO” BOLAR

Ispaniýanyň Superkubogynyň ilkinji ýarym finalynda “Barselona” bilen “Real Madrid” duşuşar. Şu gün geçiriljek bu “El Klasiko” duşuşygy futbol janköýerlerinde uly gyzyklanma döredýär.

“Barselona” topary Hawiniň tälimçiliginde täzeden güýç toplaýar. Hawiniň ýolbaşçylygynda “Barselona” topary 12 duşuşyk geçirip, onuň 5-sinde ýeňiş gazanyp, 3 duşuşykda ýeňildi.

Ispaniýanyň çempionatynda “Barselona” topary 32 utuk bilen 6-njy orny eýeleýär. Ispaniýanyň Kubogyny almak ugrundaky ýaryşda 1/16 finala çykdy. Halkara arenada bolsa, Ýewropa Ligasynda çykyş etmeli bolar.

“Real Madrid” barada aýdylanda bolsa, bu topar Karlo Ançelottiniň ýolbaşçylygynda şowly çykyş edýär. 49 utuk bilen Ispaniýanyň çempionatynda birinji orunda barýar.

Superkubok duşuşygy üçin toparlaryň düzümi:

“Barselona”: Ter Ştegen – Alba, Pike, Lengle, Alwes-Gawi, Buskets, De Ýong-Depaý, Dembele, Ýutgla

“Real”: Kurtua – Karwahal, Militao, Alaba, Mendi – Modriç, Kazemiro, Kross – Asensio, Benzema, Winisius.

Gyzykla maglumatlar

  • Soňky 4 “El Klasiko” duşuşygynda “Real” üstün çykdy.
  • “Barselona” soňky 6 duşuşygynda ýeňilmän gelýär.
  • “Real” bolsa, soňky 19 duşuşygynyň 17-sinde ýeňiş gazandy.
  • Soňky 5 duşuşygynda “Real” 9 gol geçirip, 4 gol geçirtdi.
  • Soňky 5 duşuşygynda “Barselona” 8 gol geçirip, 5 gol geçirtdi.

13 ÝANWARDA IKINJI DUŞUŞYK GEÇIRILER

13-nji ýanwarda “Atletiko Madrid” bilen “Atletik” toparlary duşuşar.

Toparlaryň düzümi:

“Atletiko”: Oblak – Lodi, Ermoso, Felipe, Lýorente – Lemar, De Paul, Kondogbia, Karrasko – Korrea, Suares

“Аtletik”: Simon – Balensiaga, Martines, Alwares, De Marko – Munian, Garsiýa, Wensedor, Berenger – Uilýams, Sançet

Gyzykly maglumatlar

  • “Atletiko” topary 13 soňky duşuşygynda “Atletik” toparyndan ýeňilmedi.
  • “Аtletik” bolsa Ispaniýanyň Superkubogynda myhmançylykdaky 12 duşuşygyň 11-inde ýeňilmändir.
  • “Atletiko” soňky 5 duşuşykda ortaça 2 goldan köp geçirýär.

ILKINJI GEZEK 4 TOPAR BILEN SUPERKUBOK ÝARYŞY

Ispaniýanyň milli çempionaty ilkinji gezek Superkubogy gazanmak ugrundaky ýaryşy 4 topar bilen geçirýär. Geçen ýyl Ispaniaýnyň Şa kubogyny gazanan topar, Ispaniýanyň çempionatynda çempion bolan topar, Şa kubogynda finala çykan topar hem-de çempionatda ikinji orny eýelän topar Superkubogy gazanmak ugrundaky ýaryşa gatnaşýar.

Geçen ýyl Ispaniýada çempion bolan “Atletiko Madrid” bilen Şa kubogyny eýelän “Barselona” toparlaryň hatarynda bu ýaryşa çempionatda ikinji bolan “Real Madrid” hem-de Şa kubogynda finala çykan “Atletik” topary hem goşuldy.

Final duşuşygy 16-njy ýanwarda oýnalar.

 

 

12-nji ýanwar ýyldyzlar näme diýýär? Gündelik Täleýnama



ÝENE-DE OKAŇ

Hormatly Prezidentimiz Gurbanguly Berdimuhamedow Hytaý Halk Respublikasynyň Başlygy Si Szinpiniň çakylygy boýunça sanly ulgam arkaly Hytaý bilen Merkezi Aziýa ýurtlarynyň arasynda diplomatik gatnaşyklaryň ýola goýulmagynyň 30 ýyllygy mynasybetli sammite gatnaşdy. Sanly ulgam arkaly ýokary derejeli duşuşyga Merkezi Aziýa sebitiniň beýleki döwletleriniň Baştutanlary — Gazagystan Respublikasynyň Prezidenti Kasym-Žomart Tokaýew, Gyrgyz Respublikasynyň Prezidenti Sadyr Žaparow, Täjigistan Respublikasynyň Prezidenti Emomali Rahmon hem-de Özbegistan...
Hytaý Halk Respublikasynyň Başlygy Si Szinpiniň başlangyjy boýunça Merkezi Aziýa ýurtlary bilen Hytaýyň arasynda diplomatik gatnaşyklaryň ýola goýulmagynyň 30 ýyllygyna bagyşlanyp onlaýn-sammit geçirildi. Çäräniň başynda geçen 30 ýylyň dowamynda Hytaýyň hem-de Merkezi Aziýa döwletleriniň arasyndaky hyzmatdaşlygyň esasy gazananlaryny hem-de dostlukly gatnaşyklaryň ileri tutulýan ugurlaryny beýan edýän wideoşekiller görkezildi. Soňra Hytaý Halk Respublikasynyň Başlygy Si Szinpin çykyş etdi. Ol Hytaýyň bu sebitiň...
Dünýäniň iň baý adamlarynyň biri hasaplanýan "Amazon" kompaniýasynyň esaslandyryjysy Jeff Bezos futbol dünýäsine aralaşmagy meýilleşdirýär. Bu barada Italiýanyň metbugaty habar berýär. Metbugatyň habaryna görä, Italiýanyň Naples şäherinde kosmos bazasyny gurmak isleýän Bezos şol bir wagtda "Napoli" toparyny hem satyn almagy meýilleşdirýär. "Napoli" topary De Laurentisden Jeff Bezosa geçmeigne garaşylýar. Kino prodýuseri Aurelio de Laurentis "Napoli" topary bilen bir hatarda Italiýanyň aşaky...
Şu gün “Hytaý-Merkezi Aziýa döwletleri” döwlet Baştutanlarynyň sanly ulgam arkaly sammiti geçirildi. Onlaýn tertibinde geçirilen bu sammit Hytaý bilen Merkezi Aziýa döwletleriniň arasynda ýola goýlan diplomatik gatnaşyklarynyň 30 ýyllygyna bagyşlandy. Hytaý Halk Respublikasynyň Başlygy Si Szinpiniň başlangyjy esasynda geçirilýän bu sammite Türkmenistanyň Prezidenti Gurbanguly Berdimuhamedow hem gatnaşdy. Hytaý bilen Merkezi Aziýa döwletleriniň arasyndaky hyzmatdaşlyk gatnaşyklarynyň geçen 30 ýylyna syn berlen onlaýn...
Dünýäniň iň baý tehnologiýa milliarderleriniň umumy baýlygy 2022-nji ýylyň başyndan bäri 85,7 milliard dollar azaldy. Ilon Mask, Jeff Bezos, Bill Geýts, Larri Page we Mark Zukerbergiň baýlygynyň azalmagy; inflýasiýa we göterim derejesiniň ýokarlanmagy bilen baglanyşykly boldy. Ine, dünýäniň iň baý adamlarynyň baýlygynda ýitirilen milliardlarça dollar... Dünýädäki iň baý bäş adamyň baýlygy, geçen hepdäniň bazaryndaky satuwdan soň uly täsir galdyrdy. 2022-nji...

Iň täze habarlar