Türkiýe Respublikasynyň “Fenerbahçe” topary portugaliýaly tälimçi Horhe Hesus bilen 1 möwsüm üçin ylalaşdy. Bu barada türk toparynyň metbugat gullugy habar berýär.
Türk topary tälimçä 3 million ýewro zähmet häky tölär. Ol 2022-2023-nji möwsüminden başlap, türk toparyna tälim berer. Horhe Hesus tälimçilik karýerasy döwründe 3 dürli ýurtda işläp, 4 gezek futbol çempionatlarynyň çempiony boldy. Şeýle hem ol 19 kubogyň eýesidir.
33 ýyllyk iş tejribesi döwründe 15 topara tläim beren Horhe Hesus tälim beren toparlary bilen 834 duşuşyga gatnaşdy.
Düýn Türkiýä gelen Horhe Hesus “Fenerbahçe” toparynyň sport desgalaryny aýlanyp gördi we soňra klubyň ýolbaşçylary bilen gepleşiklerini tamamlady.