Ispaniýada dünýäniň iň garry erkek ýaşaýjysy Saturnino de la Fuente Garsiýa aradan çykdy. Ginnesiň rekordlar kitabynyň habar bermegine görä, ol 112 ýyl we 314 gün diýlende aradan çykypdyr.
Saturnino 2021-nji ýylyň sentýabrynda iň uzak ýaşaýan erkek ýaşaýjy rekordyna eýe bolupdy. Şonda ol resmi taýdan hasaba alnypdy. Onuň hasaba alnan döwründäki ýaşy 112 ýyl we 211 gün diýlip bellenilipdi.
Ol 1909-njy ýylyň 11-nji fewralynda Ponte-Kastro şäherinde dünýä indi. Boýnuň uzynlygy 150 santimetr bolan Saturnino ýerli ilat tarapyndan “El Pepino” diýlip atlandyrylypdyr. Ol 1933-nji ýylda öýlendi we onuň 7 gyzy bar. Ol 14 agtygyň we 22 çowlugyň atasydyr. Onuň ädik işewürligi bolup, ol futbol janköýeridir.
Mälim bolşy ýaly, 2021-nji ýylyň noýabrynda dünýäniň iň garry ýaşaýjysy bolan Fransiska Susano 124 ýaşynda aradan çykdy.