Häzirki wagtda dünýäniň iň uly aýsbergi A-76 Antarktidadan uzaklaşdy. Emeli hemranyň maglumatlaryna esaslanýan «Meteoweb» portaly bu barada habar berdi.
Uly aýsbergiň uzynlygy 170 kilometre, ini 25 kilometre deňdir. 4320 inedördüllik meýdan ony Ispaniýanyň Malorka adasynyň meýdany bilen bäsleşdirýär.
Aýdylmagyna görä, A-76-nyň Ueddell deňziniň Filçner-Ronne buzlugynyň günbatar böleginden bölünip aýrylypdyr. Aýsbergiň aýrylmagy Beýik Britaniýanyň Antarktida gözleg gullugy tarapyndan anyklanyp, ABŞ-nyň Milli buz merkeziniň «Copernicus Sentinel-1» missiýasynyň suratlary arkaly tassyklandy.
Geçen ýylyň 27-nji fewralda Antarktidadan Russiýanyň Sankt-Peterburg şäheriniň meýdany bilen deňeşdirip boljak 1270 kwadrat kilometre barabar aýsbergiň aýrylyp çykanlygy hakdaky habarlar ýaýrapdy.