Russiýaly tälimçi Stanislaw Çerçesowyň tälim berýän “Ferenwaroş” topary Wengriýanyň çempiony boldy. 58 ýaşyndaky rus tälimçisiniň topary ýurduň çempionatynyň 29-njy tapgyrynda “Uýpeşt” toparyny 2:1 hasabynda utup, çempionatyň tamamlanmagyna 4 duşuşyk galanda çempion boldy.
“Ferenwaroş” topary Wengriýanyň çempionatynda 33-nji gezek çempion bolup, rekordyny täzeledi. Russiýanyň milli ýygyndysynyň ozalky tälimçisi Stanislaw Çerçesow 2021-nji ýylyň 20-njy dekabrynda bu topara tälim berip başlapdy.
Çerçesow üçin tälimçilik karýerasyndaky 3-nji kubogydyr. Ol 2015-2016-njy möwsümde “Legiýa” topary bilen Polşanyň çempiony bolup, kubogyny gazanypdy.
Çerçesow ozal Awstriýanyň “Kufştaýn” we “Wakker-Tirol”, şeýle hem Russiýanyň “Spartak”, “Žemçužina”, “Terek”, “Amkar” we “Dinamo” toparlaryna tälim beripdi.