“Microsoft” kompaniýasynyň esaslandyryjysy Bill Geýts adamzadyň ýene-de ýakyn 20 ýyldan 50 göterim ähtimallyk bilen täze pandemiýa bilen ýüzbe-ýüz bolup biljekdigini belledi. Ol bu barada Ispaniýanyň “El Diario” gazetinde beren interwýusynda belläp geçdi.
– Biziň bilýän wirusymyzdan döräp biler. Dümewiň bir görnüşi, koronawirusyň başga görnüşi bolup biler – diýip, belledi.
Şeýle hem ol tebigatdan çykýan bir zat bolup biljekdigini belledi. Geýts: “Adam sany köpelýär we biz täze ekosistemalara hüjüm edýäris. Şonuň üçin ýakyn 20 ýylda howanyň üýtgemegi sebäpli tebigy bir pandemiýa duçar bolmagymyzyň 50% mümkinçiligini hasapladym” -diýip, belläp geçdi.
Pandemiýa garşy göreşmek üçin telekeçi “global epidemiýa garşy göreş we mobilizasiýa toparyny” döretmegi teklip edýär. “Meniň teklip edýän zadym, Bütindünýä saglygy goraýyş guramasynyň býujetiniň 25% ýokarlandyrylmagyny talap eder we şonuň bilen birlikde dürli kärdäki 3000 töweregi adamdan ybarat topar bolar” -diýdi.
Maýmyn mama keseli barada hem durup geçen Geýts bu keseliň täze uly pandemiýany döretjekdigine ynanmaýandygyny belledi.
Telekeçi özüni seýrek duş gelýän keselleriň ýaýramagynyň biynjalyk edýändigini belledi.
30-njy maý ýyldyzlar näme diýýär? Gündelik Täleýnama