Katar döwletinde 2022-nji ýylda geçiriljek futbol boýunça Dünýä çempionatynyň Ýewropa we beýleki yklymlardaky saýlama tapgyrynyň duşuşyklary dowam edýär.
Şol saýlama tapgyrynyň tamamlanmagyna ýene-de bir duşuşyk galandygyna garamazdan, ýene-de 2 ýygyndy dünýä çempionatynda çykyş etmäge hukuk gazandy. Olar Fransiýanyň we Belgiýanyň milli ýygyndylarydyr.
Fransiýanyň ýygyndysy öz meýdançasynda Gazagystany 8:0 hasabynda, Belgiýa bolsa Estoniýany 3:1 hasabynda ýeňdi.
Şeýlelikde, ozal dünýä çempionatyna gatnaşmak hukugyna eýe bolan Ýewropa yklymyndaky Germaniýa bilen Daniýadan soňra Fransiýa bilen Belgiýa hem olaryň hataryna goşuldy.
Ýewropanyň 4 ýygyndy – Germaniýa, Belgiýa, Fransiýa we Daniýa çempionata gatnaşmaga bolan hukugyny gazandy.
Günorta Amerikadan Braziliýa hem dünýä çempionatyna gatnaşjak ýygyndylaryň hataryna goşulan bolsa, Katar döwleti ýer eýesi hökmünde gatnaşýar.