Koronawirusyň “omikron” görnüşiniň çalt ýaýramagy dünýä döwletlerinde täzeden çäklendirmeleriň girizilmegine sebäp bolýar. Şeýle ýurtlaryň biri hem Niderlandlar boldy.
Niderlandlaryň Premýer-ministriniň wezipesini wagtlaýyn ýerine ýetiriji Mark Rutte omikron koronawirus ştammynyň çalt ýaýramagynyň öňüni almak üçin ýurtda berk karantin çäreleriniň girizilendigini habar berdi.
- Karantin 19-njy dekabr, ýekşenbe güni giriziler.
- Azyk önümleri dükanlary, dermanhanalar, ýangyç guýulýan beketler we kitaphanalar ýaly käbir möhüm edaralar işini dowam etdirerler.
- Iýmit däl dükanlar, restoranlar, kafeler, barlar, medeni we güýmenje merkezleri, şeýle hem gözellik salonlary we sport zallary ýapylýar.
- Bu çäreler 2022-nji ýylyň 14-nji ýanwaryna çenli girizildi. Ýöne zerur bolsa, uzaldylyp bilner.
- Ähli bilim edaralary azyndan 9-njy ýanwara çenli ýapyk bolar, professional sport ýaryşlary geçiriler, ýöne tomaşaçylara gatnaşmaga rugsat berilmez.
- Niderlanlaryň ýaşaýjylaryna öýde galmak we günde iki myhmandan köp adam kabul edilmezlik maslahat berilýär.
- Adamlara köpçülikden gaça durmak we jemgyýetçilik aralygy saklamak maslahat berilýär.
- Şeýle hem, köpçülikleýin çärelere we Roždestwo çärelerine gadaganlyk girizýär.
- Täze ýyl we Roždestwo baýramylyk çäreleri üçin dört adamy myhmançylyga çagyrmaga rugsat berilýär.