Şu gün Türkmenistanyň Prezidenti Serdar Berdimuhamedow Ministrler Kabinetiniň giňişleýin mejlisini geçirdi. Onda ýurdumyzyň ýolbaşçylaryny wezipä bellemek hem-de wezipeden boşatmak meselelerine hem garaldy.
“Watan” habarlar gepleşiginde bellenilip geçilişi ýaly, hormatly Prezidentimiz Ministrler Kabinetiniň Başlygynyň orunbasary Mährijemal Mämmedowany eýeleýän wezipesinden boşatdy.
Türkmenistanyň Ministrler Kabinetiniň Başlygynyň medeniýet ulgamyna gözegçilik edýän orunbasary wezipesine Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň başlygy Bahar Seýidowa bellendi.