Bilşimiz ýaly, tehnologiýa dünýäsiniň meşhur şereketleriniň biri bolan “Apple” şereketi elektrikli ulag öndürmek isleýär. Munuň üçin şereket birnäçe firmalar bilen görüşýär. Ulag üçin gerekli bolan elektrikli batareýany almakda şereket taýwanly ýa-da günorta koreýaly firmalar bilen iş alyp barmak isleýär. Biz bu elektrikli ulagyň öndürilmegi üçin, iň azyndan 3-4 ýyl sabyr edip garaşmaly bolýarys.
Akylly telefon bazarynda elektrikli ulagy öndürmegi arzuw edýän ýene-de birnäçe şereketler bar. Olaryň başynda bolsa “Xiaomi” şereketi gelýär. Hytaýly şereketiň elektrikli ulagy öndürmek işlerine eýýäm başlandygyny biz bilýäris. Biz hem akylly telefon bazarynda bäsdeş bolan şereketleriň elektrikli ulag bazarynda hem bir-birlerine ýene-de bäsdeşlik etjekdiklerini takmyn edýäris.
Maksat TAGANOW,
Magtymguly adyndaky Türkmen döwlet uniwersitetiniň
žurnalistika hünäriniň talyby.