Türkmenistanyň Saglygy goraýyş we derman senagaty ministrligi ýurdumyzyň raýatlaryny howada tozan bölejikleriniň kadadan artmagy bilen baglanyşykly agyz-burun örtüklerini dakynmagy maslahat berýär. Bu barada “Altyn Asyr” ýapyk görnüşli paýdarlar jemgyýeti arkaly müşderilere iberilen sms-habarnamasynda bellenilip geçilýär.
Bu sms-habarnamasynda hususan-da şeýle diýilýär:
– Eziz watandaşlar! Häzirki wagtda howada tozan bölejikleriniň kadadan artmagy bilen baglanyşykly agyz-burun örtüklerini ulanmaklygy, 2 metr araçägi berjaý etmegi, elleri arassa saklamagy, şeýle hem güýz paslynda günüň dowamynda howanyň üýtgeýändigini nazara alyp, paslyň aýratynlyklara laýyklykda geýinmegi maslahat berýäris. TSG we DSM.